Dhjetëra automjete ushtarake janë parë duke bartur viktimat e koronavirusit nëpër Itali, pasi që morgjet janë mbushur plot.

Kamionët janë fotografuar në qytetin e Bergamos në rajonin e Lombardisë, një nga më të goditur nga virusi, transmeton portali arbresh.info.

Qyteti ka regjistruar të paktën 93 vdekje të lidhura me koronavirusin pasi rastet kanë arritur kulmin.

Rreth 70 arkivole u vendosën në 30 kamionë dhe do të transportohen në krematoriume në një duzinë vendesh në të gjithë Italinë, raportojnë media të huaja.

Jean Pierre Ramponi, drejtori mjekësor i spitalit Chiari në Brescia – gjithashtu në Lombardi – tha: “Ne u përgatitëm psikologjikisht duke parë imazhet e Kinës, por ishte e paimagjinueshme të imagjinohet një shkatërrim i tillë.

“Tani nga 450 shtretër, 220 janë të zënë nga njerëz që kontraktuan COVID-19.

“Situata me ne, në periferi të Brescia, është dramatike, ne nuk dimë se ku t’i sjellim pacientët, spitalet po bëjnë gjithçka, por përtej një numri të caktuar ata nuk mund t’i ndihmojnë.

“Ka radhë për orë të tëra përpara spitaleve”.

Kryetari i Bergamo, Giorgio Gori, tha se numri i vërtetë i vdekjeve të lidhura mund të jetë më i lartë pasi shumë njerëz me simptoma COVID-19 kishin vdekur para se të testoheshin./arbresh.info/